Text with Svara Marks (Roman Transliteration)
1. nā́sada āsīn nó sád āsīt tadā́nīm nā́sīd rájo nó vyóma paró yát । kím ā́varīvaḥ kúha kásya śármann ámbhaḥ kím āsīd gáhanaṁ gabhīrám ॥
2. ná mṛtyúr āsīd amŕtaṁ ná tárhi ná rā́tryā áhna āsīt praketáḥ । ā́nīd avā́táṁ svadhayā́ tád ékaṁ tásmād dhā́nyán ná paráḥ kíṁ canā́sa ॥
3. táma āsīt támasā gūḷhám ágre 'praketáṁ saliláṁ sárvam ā́ ídam । tucchyénābhú ápihitaṁ yád ā́sīt tápasás tán mahinā́ jāyataíkam ॥
4. kā́mas tád ágre sám avartatā́dhi mánoso rétaḥ prathamáṁ yád ā́sīt । sató bándhum ásati nír avindan hṛdí pratī́ṣyā kaváyo manīṣā́ ॥
5. tiraścīno vítato raśmír eṣām ádhaḥ svid āsī́d upári svid āsīt । retodhā́ āsan mahimāná āsan svadhā́ avástāt práyatiḥ parástāt ॥
6. kó addhā́ veda ká ihá prá vocat kúta ā́jātā kúta iyáṁ visŕṣṭiḥ । arvā́g devā́ asyá visárjanenā́thā kó véda yáta ābabhū́va ॥
7. iyáṁ vísṛṣṭir yáta ābabhū́va yádi vā dadhé yádi vā ná । yó asyā́dhyakṣaḥ paramé vyóman só aṅgá vedá yádi vā ná véda ॥